لتحضير الكبة النية، بمفرمة الكهرباء بحط بصل، فليفلة حلوة خضرة، فليفلة حمراء، ورق نعنع اخضر، ورق بقدونس اخضر، ورق حبق (ريحان)، ملح، بهارات مشكلة، كمون بودرة، شوية دبس فليفلة.
بفرم كل المكونات مع بعضها حتى يصير ناعم وبحطهن على جنب.
بجيب شوية برغل ناعم بغسلهن وبنقعهن حتى تصير الحبة طرية.
بفرم لحمة الكبة حتى تصير لزقة منيح وبعدها بضيف اللحمة فوق البرغل المنقوع وبحط كم ملعقة من التبلة يلي جهزتها قبل بوقت وشوية ملح وزيت زيتون.
بفركهن كتير منيح حتى الكبة تصير جاهزة.
وبعدها بمد الكبة بالصحن او بعملها عصورة او متل مابتحبو وبحط زيت زيتون كمان على الوجه.
المصدر: queen.of.food