مكونات وطريقة عمل البوريك الطري بحشوة البصل

وصفة بوريك جديدة و غير عادية مستحيل تلاقي بهذا الطعم ... اليك طريقة عمل البوريك الطري بحشوة البصل

المكونات:
1 حبة من صفار البيض
السمسم

مكونات العجينة:
1\2 كوب من الزيت
1 كوب من الماء الدافئ
1 كوب من الحليب الدافئ
1 حبة من بياض البيض
1 ملعقة كبيرة من الخميرة
1 ملعقة كبيرة من السكر
1 ملعقة كبيرة من الملح
5-5,5 أكواب من الطحين

مكونات الحشوة:
1 كيلو جرام من البصل
1 كوب شاي من الزيت
2 ملعقة كبيرة من صلصة البندورة
1 ملعقة كبيرة من صلصة الفليفلة
1 ملعقة صغيرة من الفلفل الأسود
1,5 ملعقة صغيرة من الملح

طريقة تحضير البوريك الطري بحشوة البصل:

1- بالبداية لتجهيز العجينة هنضيف في طبق مناسب الزيت، الماء الدافئ، الحليب الدافئ، ونحركهم مع بعض

2- اما هلق خنضيف الطحين بالتدريج ونبدا بعجن العجينة وقوام العجينة لازم يكون طري وما تلتصق بأيدينا

3- ولما نخلص هنحط قطعة من ورق الستريتش وقطعة من القماش على العجينة ونتركها على جمب لحتى تختمر لمدة 30 دقيقة

4- وبهالوقت هنتقل لتجهيز الحشوة وهناخد بالبداية البصل وهنفرمه على شكل ناعم بعدين هناخد المقلاة ونحط فيها الزيت والبصل اللي فرمناها ونحركهم مع بعض على نار متوسطة لحتى يبدا يتغير معنا لون البصل

5- بعدين هنضيف عليهم صلصة البندورة، صلصة الفليفلة، الفلفل الأسود والملح ونحرك كل المكونات مع بعض ونتركهم لمدة 5 دقائق على النار مع التحريك المستمر وهيك بيكون جهزت معنا الحشوة

6- اما هلق هناخد العجينة بعد ما تكون اختمرت ونحطها على طاولة العجن ونكون راشين شوي من الطحين ونبدا بلم العجينة على بعضها

7- بعدين هنقطع العجينة ل4 قطع متساوية وكل قطعة من القطع اللي جهزناهم هنلمهم على بعض ونعملهم على شكل دائري

8- اما هلق هنبدا بتجهيز قطع البوريك وهناخد أول قطعة من قطع العجين ونبدا نفتحها بمساعدة الشوبك بعدين هنضيف شوي من حشوة البصل على العجينة ونوزع الحشوة على كل الأطراف بشكل متساوي

9- ولما نخلص هنسكر العجينة على شكل الرول بعدين هنقطعها لقطع صغيرة متساوية ونحط القطع اللي جهزناهم في صينية الفرن على ورق الزبدة ونكمل بنفس الطريقة لحتى تخلص معنا كل الكمية

10- ولما نخلص ونحط كل القطع في صينية الفرن هناخد حبة من صفار البيض ونخفقها وندهن فيها قطع البوريك لحتى يعطونا لون جميل بعدين هنرش على القطع شوي من السمسم

11- وهيك بيكون جهز معنا البوريك هندخل البوريك على فرن حامي على درجة حرارة النار 170 لمدة 20 دقيقة ونترك البوريك لحتى يجهز

12- ولما تخلص معنا المدة و نطالعهم من الفرن هنستنى عليهم لحتى تطلع منهم الحرارة الأولى بعدين هنقدمهم بالطريقة اللي منحبها