مقادير القشطة لحلاوة الجبن:
2 ليتر خليب سائل عالنار بس يغلو بضيف فنجان وشوي خل ابيض(فنجان القهوة)، بس يصيرو قريشة بصبا فوق المصفاية وبتركا تصفّي من الماي... وبضيف فوقا علبة قشطة قيمر وشوي حليب سائل.
مقادير العجينة لحلاوة الجبن:
عالنار بحط كباية ماي وكباية سكر وشوي ماي ورد بس يغلو ويذوب السكر بضيف 1000 غرام حبنة عكاوي تشيكي( انا استعملت الناقة) اكيد الجبنة منقوعة ومسحوب منا الملع من قبل بليلة ومنشفيتا كتيييير منيح.
منصير نحرك الجبنة والقطر لتذوب الجبنة وبضيف طحين فرخة 3/4 كباية، منضل نحركا لتصير عجينة متماسكة.
بصبا ع اي ورق نايلون مدهون قطر وبشكلا متل ما بدي فينا قطع زغار انا مدينا كلا حطيت القشطة ولفيتا رول.
مصدر الوصفة والصور: eslamokitchen