طريقة عمل كور البطاطس المقلية اللذيذة:
1. ناخذ ثمان حبات بطاطس متوسطه تقطع وتسلق بمويه وماجي وملح لمدة ربع ساعه بس والمويه لاتصير كثيره عشان تشرب الكور طعم الماجي. .. اذا انسلقت ونضجت بقوه بتصير تتفكك بالقلي
2.تصفى المويه وتبشر البطاطا بالبشاره وتعجن باليد مع علبة جبن شيدر الوسط مبشور وبصل اخضر مقطع او اي ورقيات انت تحبين بقدونس كزبره شبت
3. نضيف ايضا بهارات كمون فلفل اسود فلفل احمر كزبره مطحونه ثوم بهار كاري بدون حلبه واي بهار تحبينه انا حطيت بهار الليمون
4. اقل من بيالة الشاهي كريمة خفق وتعجن لين تتداخل المكونات
5. تكور وتحشى جبن مثلث او قشقوان او مازوريلا او جبن مالح وبقدونس وزيتون او اي حشوه تحبون حتى لو دجاج
6. تقلب بدقيق يم لبن ثم كورن فليكس مطحون شبه ناعم اذا خشن بيطيح وقت القلي
7. توضع بالفريزر نص ساعة الى ساعة حتى تشد وتتماسك وقت القلي
8. تقلى بزبت نظيف وعميق ومتوسط الحرارة وماتحرك وقت القلي
* الصوص سومطره ورانش ومتبل قودي وتنفع تتفرزن ولو تجلس كم شهر مايضر اما اللي يقولون تطلع مويه المشكله بطريقة الفرزنه
مصدر الوصفة والصورة: 6b5km
