لكيكة الليمون بكريمة الزعفران راح نحتاج:
بيضتين، كوب سكر، نص كوب زيت، بشر ليمونة، ربع كوب عصير ليمون، علبة زبادي
نخفقهم تمام ونضيف عليهم كوبين دقيق وملعقة كبيرة بيكنج بودر وإذا احتجنا لسائل نضيف ربع كوب موية
ممكن إضافة قليل صفار زعفران عشان يكون لونها أصفر إذا حابين
وللأمانة أنا استخدمت خليط كيك ليمون جاهز لأني كنت مستعجلة وطبعاً بكيك البيت أكيد ألذذ
بصينية مدهونة نضيف خليط الكيك وندخلها فرن ساخن من تحت لغاية ماتستوي بعدين من فوق تتحمر ونطلعها ونغطيها..
استخدمت صينية مستطيلة كبيرة لأني ما أبغى الكيكة تكون مرتفعة أبغى تناسق بين الكيكة والكريمة بإمكانكم إستخدام مقاس أي صينية تحبون سهالات
الخطوة الثانية نسوي الكريمة:
ست حبات جبن كيري، ظرف دريم ويب، كوب كريمة خفق، ربع علبة حليب مكثف محلى
نخفقهم تماام لغاية مايصير القوام كريمي، ناخذ نصف كمية الكريمة ونضيف لها رشة زعفران وكونوا كريمات ونضيف قليييل صفار زعفران عشان اللون الأصفر يكون واضح
نغطي الكيكة بالكريمة البيضاء بعدها نبدأ نضيف كريمة الزعفران ونموج الكيكة عشان تعطينا شكل حلو ونزينها بتوتيّات أو اي نوع فواكه تفضلون ونقدمها ولا أروع ولا أفخم
مصدر الوصفة والصورة: nouf_cook1982
