وصفة البسبوسة بالقشطة والوايت تشوكليت

مقادير البسبوسة بالقشطة والوايت تشوكليت

- كوب سميد ناعم (لا خشن ولا بودرة)
- ثلاث ارباع كوب حليب بودرة
- نص كوب سكر ناعم وليس بودرة
- ملعقة اكل باكنج باودر
- ملعقة وسط فانيليا سائل
- علبة قشطة عادية معدن تجي حوالي ثلاث ارباع الكوب القياسي
- ثلاث ارباع كوب زيت نباتي وممكن نحط نص كوب
- ربع كوب جوز هند مبشور جاف (اختياري)
- ملعقة صغيرة فقط طحين

الحشوة:
- نص لتر حليب سائل وثلاث ملاعق كبيرة نشا وسكر حسب الرغبة نذوبهم عدل بعدين نحطهم عالنار وعليهم ربع كوب شوكولاته بيضاء سادة مع تحريك مستمر على نار متوسطة

- اول ما يبدأ يثقل شوي بس مو على الآخر نضيف عليهم ملعقه وسط زبدة وعلبة قيمر معدنية ونحرك باستمرار عالنار لما كل شي يذوب وتثقل شوي نطفي النار ونتركها تبرد

طريقة البسبوسة بالقشطة والوايت تشوكليت

1. نخلط المكونات الجافة مع بعض

2. ثم نضيف الزيت والقشطة العادية مع بعض ونخفف الخليط بشوي ماء

3. نجيب صينيه ندهنها بزيت ونحط فيها نص الخليط ونوزعه ثم نفرد القشطة بدون ما تلمس الأطراف

4. نخفف الخليط الباقي من البسبوسة بالماء علشان يصير لين شوي ويكون سهل نصبه ونوزعه على طبقة القشطة

5. ندخلها الفرن من تحت على حرارة مية وثمانين لمدة عشرين دقيقه ثم من اعلى لين يتحمر الوجه نطلعها ونسقيها بالشيره (والشيرة دافية مو بارد ولا ساخنة)

6. نتركها تبرد ونزينها حسب الرغبة وبالعافية

المصدر: alkalha_treats - الشيف محمد الكلحة