1- الفاكهة المثلجة ما فيها مواد حافظة لكن عملية التجميد اهيا نفسها تحافظ على القيمة الغذائية وتطول من فترة صلاحيتها.
2- افضل طريقة لتذويب الدياي المجمد واللحم المجمد ان نحطهم بالثلاجة قبل ما نطبخهم بيوم ونخليهم يذوبون على راحتهم داخل الثلاجة. والغلط انه قبل الطبخة بساعات نحطهم تحت ماي حار وننطرهم يذوبون وهذا راح يساعد على تكون الباكتيريا.
3- حليب طويل الامد مافيه مواد حافظة ومع هذا ممكن ان نحفظه بالرف لمدة اشهر بدون ما يخترب والسبب ان اهوا معالجينه بدرجة حرارة جدا عالية ولكن اذا فتحناه لازم نحفظه بالثلاجة.
4- افضل طريقة لحفظ الخبز ان نحفظه بدرجة حرارة الغرفة اذا بنستهلكه خلال ثلاث ايام واذا اكثر نحفظه بالفريزر او الثلاجة.
المصدر: foodscientist_d - Dana Alsalem - PhD، M. & B. In Food Sciences