مقادير وصفة المشوك:
250غ زبدة
لافاني
2 صفار بيض + بيضة كاملة
كاس سكر ڨلاصي
كاس كوكاو مرحي رطب
وكوكاو مرحي خشين للتزيين
رشة ملح
فرينة
1خميرة حلوى
طريقة التحضير:
في إناء نديرو الزبدة (حرارة الغرفة) نحركوها بيدنا حتى تطرى وتذوب + نزيدولها وحدة لافاني+ و نزيدو زوج صفار بيض وبيضة كاملة ونخلطو حتى يتجانسو ونضيفو كاس سكر قلاصي (ناعم) ونخلطو ونضيفو كاس كوكاو مرحي رطب ونخلطو ورشة ملح ونضيفو الفرينة وباكي خميرة الحلوى حتى نتحصلو على عجينة طرية.
من بعد نشكلو من العجينة كريات صغار نغمسوهم في بياض البيض ثم في الكوكاو مرحي خشين من بعد نحطوهم في البلا نكملو كل الكريات بنفس طريقة ونزينوهم بحبة كوكاو من فوق كما في الصورة نحطوهم فليكيسات وندخلوهم يطيبو على نار هادية حتى يطيب من تحت نشعلو عليها من فوق كي يطيب نخرجوه من الفور ونعسلوه (بعسيلة ضفنالها شوية ماء زهر) ونديروه فليكيسات وبالصحة والراحة.
