مشكلة تساقط الشعر والتحاليل التي عليك القيام بها في هذه الحالة

إذا في تساقط شعر، نسوي تحاليل الدم كواحد من ضمن حزمة علاجات تكمل بعضها.

يعني تحليل دم وتعويض الناقص بروحه غير كافي ولكن هو مفيد للشعر.

تحليل الشعره نفسها كلام فاضي، دربات في الوريد لتغذية الشعر كلام فاضي.

افضل شي المكملات او حقن الفروة نفسها.

راح أقولكم بعدين شنو هذي العلاجات لكن خلونا الحين في الخطوة الاولى وهو التحاليل.

في 4 تحاليل لازم نسويها عمياني وتحليل واحد نسويه بشرط. التحاليل ال 4 هي مخزون الحديد وفيتامين دال والزنك والغدة الدرقية.

والتحليل المشروط هو الهرمونات وهذي نسويها إذا عندنا عرضين من (زيادة شعر الجسم بدون سبب، حبوب كييره في الوجه كانّها حويصلات، صوت خشن، دورة شهرية غير منتظمة، زيادة وزن بدون سبب)

شنو مفروض تكون القراءات؟
Ferritin > 70 / vitamin D > 75 / zinc > 10 / TFT طبيعي

تعويض فيتامين دال عن طريق حبة أسبوعية 50 الف وحدة دولية / تعويض الحديد عن طريق حبوب لكن أعراضها في البطن تؤدي وصعب ترفع الحديد لكن درب الحديد في الوريد افضل وهذا غير عن دربات الوريد الي "يزعمون انها" تغذي الشعر!

سووه في عيادة تثقون فيها لان له طريقة معينة ولازم الممرضة تكون مدربة عدل.