تعرّف على أشهر الجمل التي يقولها الزوج النرجسي ولماذا يقولها

عالم الانسان

1 - انا اول مره احس بهاذي المشاعر، انتي غير دايما ..
النرجسي لما يحس بنقص بحاجاته النفسيه و يبي يسد هالنقص بأحد يصير واحد ثاني .. رومانسي و حبيب و يغرق الطرف الثاني بالدلال و الحب و خيالات رومانسيه...طبعا هذا مو طبعه شي مؤقت لين يوصل للي يبيه ...

2- انتي السبب، كله منج .. من فعايلج و سوالفج ..
كل خطأ يسويه بيقط اللوم عليج .. و اي حوار تدخلينه بلف الموضوع عليج و اذا طقج بيقول انتي طلعتيني عن طوري .. بالمختصر اهوا منزه عن الخطأ و ملاك وانتي الشريره ...

3- متى قلت؟ لا ما صار هالشي .. انتي تتخلين ...
لازم يتلاعب بعقلج و يوهمج ان اللي شفتيه و سمعتيه كله ما صار و ان المشكله في فهمج للامور ..
بالمختصر يسويج انتي المينونه واللي تتوهمين ..

4-بعلاقتي اللي قبل كانت ما تفهني، دايما نكديه و عصبيه ... لان مستحيل يتعرف بفشله في علاقة سابقة فيعذرب بالطرف و يحمله كل المسؤولييييه!

5- ترى انتي مستخفه او عقلج فيه شي ... روحي عالجي ...
النرجسي يسقط عقده و نقصه عليج انتي و لازم يشككج بعمرج و يفقدج الثقه بنفسج و قراراتج باسلوبه و الفاظه .. عشان يحكم السيطره عليج ..

6- محد بالدنيا يحبج كثري .. مستحيل تلاقين واحد مثلي يحبج و يهتمج فيج ..
من زود الغرور و الوهم فعلا يقول هالشي و اهوا مقتنع فيه و غصبا عليج تقتنعينه فيه بعد ..
عشان لا تفكرين بيوم تتخلصين من براثنه و تهربين منه ...