1. اختيار الوقت المناسب: دايما انصح بالسفر الى باريس في اطراف المواسم لان
اسعار الفنادق دايما تكون منخفضه و الزحمه اقل
و بالنسبه للجو ابتعدو عن زياره باريس في الصيف لان باريس مدينه فيها مشي طويل و مع الجو الحار ابدا ماتصلح
2. اذا ناوين تزورون متحف اللوفر انصح انكم تحجزون التذاكر اون لاين علشان تتفادون الدور الطويل عند كشك التذاكر
و طبعا اكيد خصصو نهار كامل للمتحف لان كبير و بياخذ منكم وقت مايقل عن 3 ساعات
3. اذا تبون اطلاله مباشره على برج ايفيل لا تسكنون بالمنطقه نفسها لان الاسعار غاليه و المنطقه مزدحمه
اغلب فنادق باريس توفر اطلالات على البرج اهم شي تختارون غرفه عاليه و فيها اطلاله
4. لا تستخدمون الاوبر او التكسي و استخدمو الاندرقراوند او الباص لان اسعارها ارخص و نظيفه و سريعه.
5. دايما خلو معاكم شمسيه في باريس لان الحو عباره عن 4 فصول عادي يطق عليكم مطر و انتو تتمشون
مصدر النص: this.is.danah - صانعه محتوى في مجال السياحه و السفر