كبة العدس، أكلة طيبة وسهلة ومفيدة كتير (بعيداً عن اللحمة والدجاج).
المقادير:
- كوب عدس أصفر مسلوق ومصفى مع الإحتفاظ بالماء
- نص كوب برغل ناعم مغسول ومنقوع لمدة 10 دقايق ومصفى
- 4 كبار كمونة محضرة مسبقاً أو لتحضير الكمونة (بالخلاط :بصل أخضر،نعنع أخضر ،ورق ريحان ،مردكوش ،كمشة برغل ناعم كبيرة ،فلفل اسود وملح حسب الرغبة ،2ملعقة من تحويجة الكمون، حر أخضر. منخلط كل هالمقادير ومنتركن لينشفو شوي ومنستعملن وفيها نفرزن)
- بصلة كبيرة مقطعة صغير
زيت زيتون
الطريقة:
منحط العدس والكمونة والبرغل والبصلة بعد ما نقليها بزيت زيتون لتحمر ومنخلط كل المقادير لتتشكل عنا الكبة
منزيد شوي من المي لي سلقنا فيها العدس لحتى نحس انو مش ناشفة ولأن البرغل رح يشرب هيدي المي.
منقدما بالصحن وعالوج كتير زيت زيتون وتقدم مع صحن خضار مشكل
المصدر: tastylicious_by_nour