لعشاق ورق العنب ... مقادير وطريقة تحضير مضروبة الورق عنب

مقادير مضروبة الورق عنب:
علبة ورق عنب مقطع
حزمة بقدونس
كوبين ونص رز مصري( مغسول فقط)
2 طماط مبشور ( حجم متوسط)
1 بصل مفروم
3 ملاعق كبيرة معجون طماط
مكعبين مرق الخضار او الدجاج
عصير ليمونه او 2 حسب الرغبة
ملعقتين دبس الرمان
ملعقة معجون التمر الهندي
زيت الزيتون
ملعقه صغيره (فلفل اسود ، ملح، كمون، كزبره)
ملعقة صغيرة معجون الثوم

طريقة تحضير مضروبة الورق عنب:
نقدر نسويها في الجدر العادي ياخذ لها تقريبا ساعة ونص لي ساعتين او جدر الضغط 45 دقيقة

في الجدر بحط زيت الزيتون والبصل وبخليه بس يذبل اضيف له الثوم ومعجون طماط

بعدها اضيف الطماط المبشور ومكعبين مرق الدجاج والبهارات، لين تطلع ريحة البهارات اضيف الورق عنب المقطع واخلط واضيف الارز والبقدونس

بعدها بضيف الليمون، معجون التمر الهندي، دبس الرمان

ضفت لترين ماء ساخن وبخليه اول ربع ساعه على نار عالية وبعدها بخليه على نار هاديه من ساعه ونص لي ساعتين

وقت التقديم ازينها بالسماق والبقدونس.

المصدر: huda88kitchen